繼續同史友們講講朱棣成皇後嘅一啲歷史事跡，要知道朱棣之所以可以登上皇位，其中一個極大嘅因素係因為得到有「妖僧」之稱嘅姚廣孝相助。
雖然歷史上姚廣孝係一位和尚，又拜過道士為師，據聞仲掌握陰陽術數，但佢仍然插手呢啲「俗事」當中，一路以嚟都為朱棣出謀劃策，平定天下之後又重返寺廟。之不過喺朱棣成皇之後，作為出家人嘅姚廣孝既唔要求任何賞賜，亦都唔係為咗光宗耀祖，一直都過住清貧嘅生活，多次拒絕朱棣嘅賞賜，呢方面睇落真係好似一個「出家人」。但當姚廣孝去到彌留之際，終於去朱棣提出咗一個要求，就向希望佢可以放過一個人。
姚廣孝當時係希望朱棣可以放溥洽自由。溥洽喺入獄之前其實係一位得道高僧，亦係皇宮之中嘅主錄僧，同當時建文帝關係密切。但後來燕王朱棣攻入南京，建文帝縱火後消失，朱棣一直都想得知佢嘅去向，而傳聞就係溥洽為建文削髮，扮成僧人潛逃。所以溥洽足足就被囚禁16年，但16年過去建文帝就算再出現都難成氣候，所以最終朱棣都係決定答應呢位重臣嘅最後請求。
原圖嚟自網絡